狂野麻神麻辣火鍋 (Closed)

狂野麻神 - 狂野海鲜二人餐👯有五款湯底(麻神麻辣湯、沙嗲湯、番茄湯、冬瓜瑤柱湯、昆布蔬菜湯)雙拼湯底揀咗一紅一白，麻神麻辣湯同冬瓜瑤柱湯店員建議我地用LEVEL 4去煲熱，因為太高溫有機會令麻辣湯底嘅藥膳同香料出現些許苦澀味，所以用中慢火🔥去加熱最合適。湯底🥘亦可以飲用，冬瓜瑤柱湯加碎肉熬得相當入味，有老火湯火侯，鮮甜美味；麻辣湯底係愈煮愈入味，啲層次由麻而辣到香慢慢滲出黎，更加有藥材香氣，唔會辣到涸喉亦唔油膩，冇乜負擔。⚜️牛肉盛(牛頸脊•牛胸爽•牛花膠‧一口牛•封門柳)🥩牛頸脊油花分佈適中，脂肪唔多，有咬口；🥩牛胸爽建議一開始落，約煮45分鐘，有咬口唔黏牙，擺係麻辣湯入味好惹味；🥩牛花膠唔會咬唔爛，爽口彈牙；一口牛有一定厚度，連住筋膜食落好有口感；🥩封門柳牛味好濃郁，肉質鬆軟軟腍一啲都唔韌。⚜️海鮮🐠🐟🦀(日本元貝•大連鮑魚•基圍海蝦🦐•沙白•番薯蜆)鮑魚鮮嫩爽口；元貝厚肉鮮甜；海蝦結實彈牙；沙白、番薯蜆都好肥美，肉質飽滿之餘完全冇沙。⚜️果凍鴨血、千層豆腐特登放到尾段先享用，鴨血嫩滑得黎完全冇渣；千層豆腐吸附哂湯底精華，湯汁係口腔爆發。⚜️七色菜籃🥦🥬🥒款色多樣包括粟米、南瓜、蕃茄、冬