相馬日式火鍋 (Closed)

表哥生日，約左去荃灣大鴻輝中心的相馬日式火鍋食放題，佢話食過唔錯。除左火鍋重有炸物和串燒，即叫即做，好好味㗎！任飲任食放題都有幾種價錢，睇下要邊款牛肉，其他火鍋料就一樣，我們選擇美國頂級牛小排，日式湯底就選擇豚骨湯。牛小排肉質鮮美滑嫩，油脂分佈均匀，肉類還有鹿兒島頂級黑豚，肉質鮮嫩，肉味香濃。雞肉嫩滑。肉類和其他火鍋配料、甜品和飲品就要自己出去拎，丸類、腸類、菇菌類和蔬菜類等新鮮又多款，擺放整齊，清潔衛生。甜品重有朱古力噴泉。至於串燒和炸物水準也不錯，我就喜歡食炸雞翼，香脆可口！