Video
Read full review
2018-09-03
33 views
火鍋新發現聽朋友介紹喺銅鑼灣一間火鍋店打邊爐，一開始我都好擔心，因為通常唔係任食都好貴，如果去質素差嘅我真係會好唔開心。好彩今次食到個非常優質嘅打邊爐，材料好新鮮，仲有刺身。一次過滿足我兩個願望!湯底叫咗個牛肝菌昆布湯，因為我相信佢啲材料好新鮮（我偷望到隔離枱感覺唔錯），所以當然叫個清淡啲嘅湯底，要試真啲啲食材的味道！的確湯底幾好飲，但有少少昆布嘅味道，飲完第一啖就會有啲牛肝菌咩都跑咗出嚟，感覺有啲啲似老火湯～必食推介係油炸鬼！超級勁好味，油炸鬼本身已經炸得好靚再加埋啲墨魚肉～由於通常要炸兩次，所以油炸鬼好容易變得好老， 但呢一間效果控制得好好啊！墨魚肉份量仲好多添，我記得呢碟野$40到有六七條，抵食！牛肉新鮮就當然要啦，唔平咖～如果係識食之人應該會好鍾意呢間餐廳，因為佢真係可以提供到靚嘅食材新鮮手打丸，每一款丸入面都有唔同嘅材料，例如紫薯或者鹹蛋等，老實講我唔係好識得出個內涵有咩味道，但係整體高質～
聽朋友介紹喺銅鑼灣一間火鍋店打邊爐，一開始我都好擔心，因為通常唔係任食都好貴，如果去質素差嘅我真係會好唔開心。好彩今次食到個非常優質嘅打邊爐，材料好新鮮，仲有刺身。一次過滿足我兩個願望!
湯底叫咗個牛肝菌昆布湯，因為我相信佢啲材料好新鮮（我偷望到隔離枱感覺唔錯），所以當然叫個清淡啲嘅湯底，要試真啲啲食材的味道！的確湯底幾好飲，但有少少昆布嘅味道，飲完第一啖就會有啲牛肝菌咩都跑咗出嚟，感覺有啲啲似老火湯～
必食推介係油炸鬼！超級勁好味，油炸鬼本身已經炸得好靚再加埋啲墨魚肉～由於通常要炸兩次，所以油炸鬼好容易變得好老， 但呢一間效果控制得好好啊！墨魚肉份量仲好多添，我記得呢碟野$40到有六七條，抵食！
牛肉新鮮就當然要啦，唔平咖～如果係識食之人應該會好鍾意呢間餐廳，因為佢真係可以提供到靚嘅食材
新鮮手打丸，每一款丸入面都有唔同嘅材料，例如紫薯或者鹹蛋等，老實講我唔係好識得出個內涵有咩味道，但係整體高質～
Post
