喜點.鮮鍋粥底火鍋點心專門店 (Closed)

呢排經常食嚟食去都係銅鑼灣旺角，可能食嘅費用一半都去咗租金，想食得出色，當然就係去下其他地方食。今次係長沙灣。有兩個餐，A餐就貴dd la, 每位258元，但就有好多好多海鮮，例如龍蝦、海蝦、多寶魚、鮑魚、貴妃蚌、超正肥牛同蜆，然後再加8款嘅嘢食。另一個餐就平少少，198元，最大分別係冇龍蝦同肉蟹。咁其實都係差幾十蚊啫，緊係食好啲！龍蝦有4邊，4個人一人一邊，膏都好多，好彈牙。超好食。肥牛堅冇得頂，超正，牛味十足，超簿。所有海鮮都好新鮮。多寶魚肉質好爽口。