寶哥火鍋味館 (Closed)

秋風起 又係時候約老友記打邊爐了今晚㨂左寶哥 朋友話佢啲套餐好抵食我地㨂左中價位唧套餐 已經包左刺身同海鮮拼盤先上左個刺身拼盤 有希靈魚 北寄貝 赤貝 八爪魚同埋生牛肉 北寄貝同赤貝都好鮮甜湯底都幾多款式 我地㨂左猴頭菇鯊魚骨 湯底呈奶白色 入口好清好鮮甜之後海鮮拼盤黎啦 有大大隻嘅鮑魚 大蜆 生蠔重有蝦同龍躉肉 鮑魚好鮮好彈牙跟餐重有特級封門牛柳 入口好滑好有牛味除此之外 重有三十幾款火鍋配料可以叫飲品方面 唔算好多 不過就包埋啤酒 鐘意飲返幾杯嘅朋友就岩晒