二一八火鍋餐館

Open Now

Now Closed

二一八餐館除咗有火鍋之外，仲有唔少獲氣嘅小食添！就好似呢味椒鹽魚雲，炸得金黃香脆，上枱時非常香噴噴，表面充滿著脆口嘅脆漿，辣味適中，而魚雲入口順滑，魚身不失鮮味之餘，又品嚐到脆口嘅炸魚塊。揀好醬料之後，就緊係打邊爐啦。火鍋湯底係胡椒豬肚湯底，胡椒湯底微辣，豬肚入口又軟滑爽口，加上個湯窩賣相特別，有龍頭係兩邊夠晒霸氣，無論係外表，或者個湯底都一樣抵讚。打邊爐點可以唔食蟶子，大大隻嘅蟶子，彈牙兼且毫無雜質，放落滾湯中煮熟，絕對無人會抗拒。接著仲有海鮮拼盤有生蠔，蠔身非常豐滿，鮮味極濃郁，中意食海鮮嘅人必定會好中意; 而厚身嘅帶子大大粒，煮熟後鮮味原汁原味保留在帶子之中，一人一粒都食得好滿足; 最貼心嘅蝦身已經剝左大半蝦殼，煮熟後方面大家進食。而新鮮即打嘅墨魚滑同蝦滑，外表平凡，但其實非常美味; 因為係手打嘅關係，魚滑之間充滿細細嘅氣泡，放入口後就會食到彈牙空氣感嘅感覺，而且呢兩道價格完全唔貴，所以強烈推薦。