點鍋

Open Now

Now Closed

近排天氣涼涼地，除非BBQ之外，打邊爐爐就岩哂啦！簡直係冬天必食呀！同一班朋友一路烚下烚下，一路吹水講是非就最好不過！今次嚟到位於旺角兆萬中心嘅火鍋黃店——點鍋，我同朋友們一共有兩個鍋，試左佢地3款湯底，分別係香濃沙嗲、豬骨濃湯&蟲草花雞，3款都好食夠濃，我自己私必推介會係豬骨濃湯，真係有兩舊大大豬骨系入面，好足料！佢會送每台一小盆海鮮拼盤，有蝦、帶子、鯇魚片&蜆，樣樣味道都好新鮮👍🏻另外全程都會用平板電腦點菜~肉類都正常，牛肉脂肪比例都平均。仲有佢地有唔少特色配料都值得一試，例如手打丸(部分丸有芝士夾心)、唔同味既炸魚皮和響鈴、自家製餃等等，同其他火鍋店嘅配料唔同。自助飲品都多選擇，雪糕就係香港品牌Cocoberry😋因為呢間火鍋店系旺角人流多嘅位置，所以都好多人walk-in等緊位，記得book左位先就唔洗等咁耐喇！另外係店員服務態度都好好，比我地傾到差唔多閂門先走🤣p.s. 間店閂門前會播「走先喇🎵係咁先喇🎵下次再玩啦🎶」🤣好搞笑🤣