Video
Read full review
2022-07-26
112 views
香港人鍾意食雞煲同打邊爐係常識啦。今日想一次過滿足兩個願望，就係旺角創興廣場就搵到一間18樓雞煲火鍋專門店。😋一入到餐廳就俾佢港式懷舊嘅風格所吸引，霓虹燈同大排檔嘅背景真係非常吸引，而且間格乾淨闊落，食得舒服真係好重要啊 。我哋就叫咗個小辣雞煲，雞煲醬汁香濃，而且件件雞都又大嚿又滑，真係食到舔舔脷。而佢嘅雞煲份量唔係好多，等你可以預留足夠嘅肚食佢嘅火鍋。當你準備好再下一城，就可以將預先準備好嘅湯底倒落雞煲之中，記得落兩寸上湯就夠晒味。跟住就可以用QR code落單，幾十款肉類海鮮乾果任你揀，而且仲有一個大大嘅蔬菜櫃放曬各種新鮮嘅蔬菜，叫到張枱都差啲放唔落😂。個人推介夾火鍋料包括: 牛肉: 由於揀咗套餐A，只有雪花肥牛同特級肥牛，而佢嘅牛肉唔錯，下次可以升級羊肉: 唔騷真心好食煙肉芝士薯波: 唔知點解係火鍋料，但係我係就咁食，除咗凍咗啲之外真係好好食😂芝士豆腐: 食火鍋必食啦蔬菜: 成個新鮮嘅蔬菜櫃，令到平時對菜冇乜好感嘅我都眼前一亮飲品方面都有三個大雪櫃俾你揀，其中一個櫃仲係有自家製嘅茶飲，例如有桂花烏龍、茉莉花綠茶同台灣冬瓜茶，打邊爐用嚟解膩就最啱喇。甜品方面有個軟雪糕機可以玩，有乳
一入到餐廳就俾佢港式懷舊嘅風格所吸引，霓虹燈同大排檔嘅背景真係非常吸引，而且間格乾淨闊落，食得舒服真係好重要啊 。
我哋就叫咗個小辣雞煲，雞煲醬汁香濃，而且件件雞都又大嚿又滑，真係食到舔舔脷。而佢嘅雞煲份量唔係好多，等你可以預留足夠嘅肚食佢嘅火鍋。
當你準備好再下一城，就可以將預先準備好嘅湯底倒落雞煲之中，記得落兩寸上湯就夠晒味。跟住就可以用QR code落單，幾十款肉類海鮮乾果任你揀，而且仲有一個大大嘅蔬菜櫃放曬各種新鮮嘅蔬菜，叫到張枱都差啲放唔落😂。
個人推介夾火鍋料包括:
牛肉: 由於揀咗套餐A，只有雪花肥牛同特級肥牛，而佢嘅牛肉唔錯，下次可以升級
羊肉: 唔騷真心好食
煙肉芝士薯波: 唔知點解係火鍋料，但係我係就咁食，除咗凍咗啲之外真係好好食😂
芝士豆腐: 食火鍋必食啦
蔬菜: 成個新鮮嘅蔬菜櫃，令到平時對菜冇乜好感嘅我都眼前一亮
飲品方面都有三個大雪櫃俾你揀，其中一個櫃仲係有自家製嘅茶飲，例如有桂花烏龍、茉莉花綠茶同台灣冬瓜茶，打邊爐用嚟解膩就最啱喇。
甜品方面有個軟雪糕機可以玩，有乳酪味同綠茶味，選擇雖然唔多但勝在好好食😋(記得配埋木糠一齊食，味道會雙重加分)
當日只係平日但全晚都人頭湧湧，果然打邊爐同雞煲都係香港人嘅日常啊！😂
Post
