表叔火鍋

Open Now

Now Closed

話說我本身係住係旺角朗豪X後面，近住大角咀其實都真係勁多野食，平時係呢面拎開淘寶都會經過呢間表叔，望入去次次都坐滿哂但一直都無機會試，直到今日我打邊爐既癮又泥，近近地一於試試先我地今日點左四川麻辣鍋，睇到勁多辣椒，勁香麻辣味！係未食火鍋之前，我地點左個剌身拼盤，有大赤貝，紋甲尤魚，水母，赤貝，同埋生豪(法國吉拉多)我只能夠講剌身係即叫即切即開，生鮮有口味，生蠔大隻，有海水味，蠔味十足！食左成盤刺身我地滿足哂，再上我今日既主角打邊爐，我點左四川麻辣鍋，花椒八角乾辣椒，味道夠哂麻辣又香！拍得住大陸食既味道！手切黑豚，肥瘦適中，入口不覺油膩響鈴係即叫即炸，剛炸好就上枱，好脆。怪不得我見枱枱都有叫黑松露雲吞，超大粒，包住大大隻鮮蝦，咬落好香黑松露味道。自家煲既竹庶茅根，解渴降溫又無咁熱氣！食到尾仲有生果送上！估不到既精彩，新鮮生蠔刺身令人滿意非常，食物質素很好。服務態度好好有禮。