火鍋頭

Open Now

Now Closed

等緊打邊爐嘅時候，首先食咗個刺身拼盤先☺️個人對蕃茄湯真係情有獨鍾，所以叫左個鮮茄鮮蜆龍蝦鍋。蕃茄加埋海鮮的鮮味，呢個湯底味道真係啱啱好，唔酸亦唔太濃。原隻龍蝦都令個湯底吸引唔少，龍蝦好貼心有事先破過殼，所以食起上黎都唔困難。今次主要試左手切嘅安格斯牛小排同海鮮拼盤。叫左兩種唔同脂肪比例的安格斯牛，切得厚薄適中，稍為灼一下，口感好柔軟，但我就比較鐘諗脂肪比例多d，嘅冇油膩感，有食極都唔肥嘅滿足感覺。而海鮮拼盤真係不得不提，所有野都好新鮮，海蝦食落好爽口；原隻帶子一放入口就覺得好滿足，好實在；仲有南非鮑魚切左片，咬落幾彈牙。另外仲叫左手打粒粒墨魚丸，完全食到「自家製」嘅果種足料，墨魚丸完全冇粉嘅感覺，食得出成粒都有滿滿嘅墨魚粒，好爽好有咬口，下次都一定會再叫。