牛涮鍋 (Closed)

雖然限時個半鐘，但次次食完都好飽既，而且唔算趕，加$22仲可以任飲生啤，最重要係成間餐廳都乾淨企理，同埋小朋友去食呢樣好重要。今次又黎食，可以叫2個鍋，試左黑蒜油、昆布湯同豚肉雞白湯，個個都唔錯，但黑蒜油食下食下就會冇哂。天水圍呢間星期一四有個優惠，$200零就有幾款牛食，次次都會逐樣叫黎食下有咩分別，食個時記得既，但下次黎又搞唔清邊款打邊款。最鐘諗意佢出面自助既食物久唔久就有一兩樣新野，唔會食黎食去個幾樣，都叫有d新意，同埋今次見到啤酒轉左大杯，500ml一杯，其實真係好，侍應又唔使成人幫人加酒，食客又唔使等咁耐。