Video
Read full review
2019-06-04
158 views
油尖旺火鍋放題乜都有，但用心岀品就唔係間間做到，今次經過太子見到有間火鍋店新開張而且店名又幾有趣，就入去試下，試過之後呢間烚時•滾動就成為左我既火鍋首選推介。值得一讚既係每位員工都好親切，岀品又新鮮同埋湯底真材實料！保證返轉頭幫襯！又係有圖有真相時刻，為大家推薦：湯底選擇多籮籮，仲有多款刺身選擇，而且價錢都好經濟，我就叫左個特燶豬骨鍋，個鍋遠遠比我想像中豐富，去圖：無錯係4個大大嚿豬筒骨，同埋有粟米，白蘿蔔，紅棗熬製而成，湯底奶白色的確係好濃既豬骨味，就咁飲左一碗，飲完唔口渴，無味精！另外餐廳用石鍋煲，好快滾，唔洗等到頸都長都仲未有得食，d野放落去就熟，慳唔少時間又唔會煲到癡晒底。菜單在此，其實真係好抵食，店住亦好貼心素菜類有半份或全份叫，唔會造成食唔晒浪費既問題之餘仲可以食多幾款唔同菜。混醬一應俱全，9款香料自由混醬BTW終於食到一間火鍋店嘅辣椒係真心辣(好食得辣)，有啲火鍋店嘅辣椒真係用嚟hea你有”料”到喇，呢貴妃蚌好新鮮，勁爽口，索索聲同埋百幾蚊咁大份，好抵食！雞子全部都脹卜卜，縮極有個譜，不過我就唔食呢味野既黃芽白就嗌咗半份，金菇就嗌咗一份，其實份量都唔係差好遠，鍾意食菜嘅可
又係有圖有真相時刻，為大家推薦：
湯底選擇多籮籮，仲有多款刺身選擇，而且價錢都好經濟，我就叫左個特燶豬骨鍋，個鍋遠遠比我想像中豐富，去圖：
無錯係4個大大嚿豬筒骨，同埋有粟米，白蘿蔔，紅棗熬製而成，湯底奶白色的確係好濃既豬骨味，就咁飲左一碗，飲完唔口渴，無味精！
另外餐廳用石鍋煲，好快滾，唔洗等到頸都長都仲未有得食，d野放落去就熟，慳唔少時間又唔會煲到癡晒底。
菜單在此，其實真係好抵食，店住亦好貼心素菜類有半份或全份叫，唔會造成食唔晒浪費既問題之餘仲可以食多幾款唔同菜。
混醬一應俱全，9款香料自由混醬BTW終於食到一間火鍋店嘅辣椒係真心辣(好食得辣)，有啲火鍋店嘅辣椒真係用嚟hea你
有”料”到喇，呢貴妃蚌好新鮮，勁爽口，索索聲同埋百幾蚊咁大份，好抵食！
雞子全部都脹卜卜，縮極有個譜，不過我就唔食呢味野既
黃芽白就嗌咗半份，金菇就嗌咗一份，其實份量都唔係差好遠，鍾意食菜嘅可以嗌多幾款唔同嘅蔬菜，不過最緊要係食得晒唔好浪費食物啊。
竹笙喺打邊爐必食，因為竹笙會吸晒湯底嘅精華，唔使點醬料都好夠味道！濃郁嘅豬骨味滲晒出嚟。。。
必成推薦丸丸拼盤，全部都手打，好滑又好鮮，而且仲有膠質，12粒全部清曬，真係好好食好好食好好食（重要野要講3次）
手切肥牛（小）已經有咁上下份量，要脂肪有脂肪，要瘦肉有瘦肉，好有牛味，完全唔會韌，鍾意食肥牛嘅你絕對唔可以錯過，極力推介，好好味x10
兩個人竟然可以清晒所有食物，因為真係每樣野都好好食好新鮮，餐廳環境佈置簡約，有電視睇又唔會好逼夾，感覺好似係屋企打邊爐咁！
岀品夠快而且用心經營，下次打邊爐一定會再光顧！
Post
