火鍋英雄 (Closed)

天氣開始涼又係時候打邊爐 同朋友喺銅鑼灣行街， 見到呢間火鍋英雄派傳單， 橫掂都未食嘅就試下呢間啦裝修好有"中國風"味道，而且位置闊落， 門口仲有酒既擺設，唔知係味老闆珍藏呢 前菜: 八小碟. 當中包括有花生，蓮藕，芽菜，木耳， 青瓜，豬耳等等。 有辣有唔辣任君選擇。 另外呢度亦都有圍裙提供，打邊爐前可以著圍裙，就唔使驚整到件衫打邊爐梗係要飲竹蔗茅根水喇，無咁甜，岩晒我養生野生菌湯: 呢間湯入面起碼有四，五種茹類。 打邊爐前先試一試湯底，味道清香， 適合素食或者減肥人士。 羊肉， 上檯已經聞到好騷嘅味道， 滾完食落口簡直成個口都係騷咪， 難得羊肉都有呢個質數，正芫茜豬肉丸: 入面除咗有芫茜同埋豬肉之外， 另外仲加咗豆腐， 口感嫩滑即叫即炸嘅響鈴，上檯時仲熱辣辣鵝腸，新鮮爽口麵條， 勁鍾意呢隻咁闊嘅手工麵條， 用嚟打邊爐， 吸進湯底精華，口感一流豬爽喉， 即係豬嘅喉嚨。 以前喺大陸做嘢成日食， 喺香港好少見。 難得呢度有嘅梗係即刻嗌啦， 豬爽喉口感爽口， 點醬汁食一流，必嗌呢間重慶火鍋畀我好大驚喜， 無論係食物或者服務態度， 都好高質素，下次再嚟食