Super大中華火鍋 (Moved) New Location

今晚我們去咗「Super大中華火鍋」食蒸氣火鍋！我們叫咗加州象拔蚌刺身、龍蝦仔、新鮮即劏星斑、美國安格斯牛肉「大」、原隻大魚頭、椒鹽豆腐粒、椒鹽鷄軟骨、椒鹽三文魚頭、即炸魚皮同瑤柱蛋白炒飯！加州象拔蚌刺身非常新鮮，好爽口同彈牙，鮮味十足！龍蝦仔嘅味道非常鮮甜，肉質爽滑彈牙！新鮮即劏星斑真係新鮮即劏，所以味道真係非常鮮甜，肉質相當嫩滑彈牙！美國安格斯牛肉「大」，牛肉嘅味道非常濃郁，肉質好嫩滑，色澤紅潤，脂肪嘅分佈好平均，而且入口即溶！另外他們嘅餐前小食都好出色，椒鹽豆腐粒炸得好香脆，豆腐相當滑溜！椒鹽三文魚頭炸得色澤金黃，肉質鮮嫩彈牙，最緊要係唔會好油膩！即炸魚皮係即叫即炸，炸得好薄好香脆！瑤柱蛋白炒飯炒得粒粒分明同好乾身！