樓上樓海鮮火鍋 (Closed)

幾個朋友晚飯，一行六人其中一人想打邊爐，但唔想太嘈，所以選擇這裏。雖然火鍋來計價錢是貴少少，但環境唔錯裝修都幾靚，食物亦好新鮮。本人最欣賞生蠔(美國)除了勁抵$28一隻外，又肥美又新鮮好食，另外值得推薦係刺身，我地叫立魚二食$268切刺身後，剩d骨煮熟都一樣鮮味十足。至於什錦刺身$168都唔錯架，不過其中order一個”和牛”，友人話唔肥好”正”可能小妹一向對牛肉無大興趣加上$228得幾塊好似唔抵。差點忘了湯底是選火焰炌湯$168，真材實料隻炌又大又多肉架。餐後驚喜係其中一個經理榮哥好好人，送一個甜品拼盆給我們，原來佢地甜品係自家創造，個NewYorkCheeseCake有餅底架，絕對係水準之作。