船長意法日餐廳 (Closed)

船長好耐之前食過印象幾好，價錢平，質素又幾好，經過見到而家變左做火鍋放題，今日就去試下除左火鍋，仲唔洗加錢同時可燒烤埋，感覺好良好。揀左豬骨湯底，美國肥牛套餐，包埋人數份量嘅海鮮。蜆數量較多，另外仲有鮑魚仔，青口，深海魚片，蠔，蝦 數量唔多但種類取勝。燒烤有串燒同雞翼一齊上，好鍾意個沙嗲汁好香花生味帶少少甜甜地。好欣賞我地肥牛食完一盤，店員都會問我地需唔需要再添配菜都好夠，仲有好多唔同嘅丸類同響鈴，都有keep住添嘅，唔會話食到最後冇野食，所以可食幾多攞幾多，唔洗趕住一次過攞。火鍋又得，燒烤又得。熟食方面都有成6種選擇，有菜有雞有魚。最後每人食埋2杯哈牌雪糕^^ 開心滿足