宴 尖沙咀

前幾日喺尖沙咀嘅遇到老同學，佢就約我去呢間居酒屋打邊爐傾偈，啱啱我都未食晚餐，就決定去試下。同學話呢度最多人點嘅就係火鍋]，都係放題式嘅，連蟹肉都可以任食，我覺得唔錯，就跟住佢點咗一份。湯底有兩種，係醬油湯同豬骨湯。兩個湯底都有特色，都係食火鍋嘅最佳湯底。醬油湯有住非常特別嘅風味，同其他我喺外邊食嘅完全唔同，呢度嘅湯底唔會油亦唔會鹹，完全唔會膩，仲有豬骨湯都係滿滿嘅精華，非常鮮甜，飲得根本停唔落嚟！和牛好大一盤，滿滿嘅雪花，又粉紅色嘅，仲未食就覺得非常新鮮。而且肉質鮮美，完全冇牛肉嘅腥味，仲非常鮮嫩多汁，真係頂級嘅享受！重點菜－松葉蟹肉非常肥美，蟹肉好足，而且煮咗之後更加鮮美多汁，甜甜嘅，非常入味！同粥一齊食，簡直係完美！米粥煮得非常綿軟，唔會太硬，食起嚟特別清香暖胃！仲有豚肉嘅肉質好軟，咬起嚟唔會彈牙，味道鮮甜，肥而不膩，涮入湯底味道更加濃郁，真係太好味啦！今次同同學傾咗好多，都好開心可以喺度遇到佢，仲介紹咗我好食嘅日式火鍋，下次再嚟！