唐坊火鍋私房菜

以前食火鍋經愛選任食的，但現在反而喜歡吃得精，食材夠靚夠新鮮最重要，而「唐坊火鍋私房菜」就好岩我心水啦。叫得私房菜當然係夠私密，座落商廈高層，環境相對寧靜，更可居高臨下望住鬧市嘆火鍋，好適合同朋友聚會慢慢烚慢慢傾。單是火鍋湯底這裡就有18款，都好有特色。我們點了蟲草花茶樹菇鍋🥘，一端上枱已傳來濃郁菇菌鮮香🍄‍🟫，先呷一口，香濃鮮甜，非常足料，滋喉甘甜，未吃已忍不住飲多幾口。火鍋配料選擇都很多，先點了一碟特級手切肥牛🥩, 份量夠2-3人食，每片牛整齊排列，能清晰看到雪花均勻，厚薄一致，焯熟入口肉質嫩滑，肉味甘香，很高質😋。卜卜蜆$78份量都唔少，煮熟後蜆肉都唔細隻，真的有脆口感，味道好鮮甜，難怪有這名堂。另外有多款手打餃子選擇🥟，點了雙併的白菜餃+韮菜餃，餃子飽滿足料，鮮甜有口感，吸收了湯底更好味。其他還有潮州白魚蛋、紙豆腐、田園雜菜等配料，好豐富。除了火鍋配料仲有多款前菜小食，炸鯪魚球唔係太多地方有，這裡做的味道很家常，沒有過度煎炸，保留煙韌彈牙口感，魚味香濃突出。最後送上冰凍椰汁糖水，清甜解滯，吃完剛好滿足😊