樂法 (Closed)

銅鑼灣渣甸坊這條街，十分熱鬧!!! 近日就有一間標榜鮮果飲品的飲品店加入戰場-樂法。吸引我的原因就是他們不標榜什麼珍珠飲品，什麼黑糖珍珠。而是以鮮果行頭標榜的健康飲料。門面裝修較為普通，行過左都可能唔知道。不過好在門口有個姐姐係度宣傳，先唔會睇唔到。最後點了個很搶眼的火龍果雲朵沙冰。見到咁大杯，飲佢都已經夠飽!!!火龍果雲朵沙冰他們用上紫色的火龍果，出面好少飲到火龍果飲品，仲要係紫色火龍果，真係未見過。紅紅的一杯，未飲已經醒神。睇住職員放火龍果落去，就更加真材實料。另外仲要配上足夠份量乳酪，乳酪融入去，酸酸甜甜仲好開胃，係炎夏好有解渴感覺，比起其他飲品店確實落足料！價錢相對來說是比較高，但是如果真的以鮮果來製造的話價錢就非常合理了！出面普通一杯細細杯果汁都賣到二三十元一杯。所以樂法係好抵飲。睇facebook 見而家好似出中杯裝，size 細左又平左少少，啱曬想試下飲的朋友飲。