Cafe Hillywood (Closed)

前排同同學黎過呢間餐廳食飯，但原來去到星期六日係會唔同咗MENU咁就可以試下新野拉!澳洲草飼和牛漢堡薯條 就咁睇可能覺得個包冇咩特別，但食落一啖咬落去肉汁嘭嘭聲咁流出嚟，所以一定要用隻碟墊住如果唔係就會食到好論盡 我都係第一次食漢堡包見到咁多肉汁嘅牛肉 而薯條都新鮮熱辣，作為配角都一啲都唔輸蝕手打肉丸意粉 手打肉丸既肉丸份量一D都唔少 而且質感新鮮，食落肉粒分明意粉滑溜溜，醬汁惹味而份量剛好呢度飲品既名就相當之有新意叫咗一杯灰灰灰 芝麻味道好濃郁，同飲緊芝麻糊嘅感覺差唔多只係質感由糊，轉變成沙冰 味道並唔人工，出乎意料既好