越後屋 (Closed)

炎炎夏日特別想食冰食雪糕哩D涼快野，是晚同朋友喺大坑附近食完晚飯，意猶未盡，就搵甜品店做下場。大坑雖然有好多有質素的食店，但甜品店一直以來就只有某藝人開的那一家，太耐冇來大坑，今次見倒有間刨冰店，就入去試下。＊＊＊＊＊＊＊＊＊＊＊＊＊＊＊＊平時晚飯後必然係甜品店的黃金時段，但大坑卻是另一個世界，因為入夜後的大坑特別寧靜，店員都已站在門外跟隔離食店的職員串門子，已做好關門的準備。越後屋是一間小型日式刨冰店，主要做外賣為主，店內只有數個座位。餐牌非常簡單，抬頭就見倒幾款不同款式的刨冰。而店子角落的易拉架上則展示了一系列綠茶、紅茶、烏龍茶和奶茶飲品。飲品有大杯裝和小杯裝，但價錢竟然都是一樣$20！乳酸綠茶($20)由於刨冰店臨近關門時間，所以很多刨冰和飲料都已經售罄。我地就點左一杯大杯裝嘅乳酸綠茶。乳酸綠茶係橙黃色，唔係想像中的綠色，飲落甜甜地，其實不大感覺到綠茶的影子，如果當佢係一杯普通飲品其實唔錯，夠凍夠大杯，非常抵飲。抹茶刨冰($75)作為一個朱古力迷，由於哩度冇朱古力刨冰，本來諗住退而求其次揀咖啡刨冰，可惜賣晒，最後我揀左對我黎講麻麻地嘅抹茶刨冰，估唔到有驚喜。先睇份量，雖然哩度嘅刨