炑八韓烤 (彩明商場) (Closed)

今日心思思好想食韓燒，經過調景嶺彩明商場，見到炑八嘅將軍澳彩明店，有新嘅期間限定套餐，望落去就流晒口水，經過又點可以錯過呢🤩和牛牛舌勝燒套餐 ($698)- 套餐真心好正，肉類夠晒多元化，有韓牛前胸肉、霜降牛小排、護心肉、和牛牛舌、豬梅花肉、大啡菇，咁啱大八爪魚冇貨，轉咗做魷魚，一樣都咁高質☺️- 個人最鍾意和牛牛舌，切片均等薄身，燒完之後香焦惹味，口感煙韌，有咬口🥰- 霜降牛小排油香味撲鼻，而且牛味十足，燒完之後將佢燒香脆焦香，真係好食到冇得彈😄炑八嘅三款泡菜真係不得不提，好好好食😋個人最鍾意普通同海帶嘅泡菜，酸甜爽口，encore咗三輪；另外，前菜沙律都好醒胃，沙律菜新鮮脆身，好refreshing💛同埋要提吓佢地爐邊芝士好好味啊，香濃足料，熱辣辣每啖都拉絲滿滿，好味到encore咗兩次😚飲品方面加咗兩杯梳打—薄荷荔枝梳打、菠蘿梳打，薄荷荔枝呢杯清香醒神，而且都有帶點甜味，菠蘿嗰杯甜蜜十足，格外開胃，配搭邪惡嘅韓燒一流😆餐廳座位闊落，分隔得好好，坐得好舒服，而且冇咩太大嘅油煙，係餐份外滿足嘅dinner，好正啊❤️