十二味 (山市樓) (Closed)

同事話帶我食辣野，少辣我都可以接受到，餐廳裝修得好中國風，店外好靚。酸辣木耳($28)，哩個開胃小食，辣味唔算好勁，反而酸酸地好好食，加左芝麻，食落爽口又香。川香回鍋肉($88)，哩個餸會比較辣，但真係炒得好香，又好味又刺激，都食到好幾片。酸菜魚($198)，哩個係同事指定推介我食，因為知我唔太受得辣，食酸菜魚一樣咁出色，魚吸晒湯汁，肉質都好滑。超大杯野飲！其實仲有點左白飯，d餸好好味用黎撈飯食好正。