仙日 (Changed Hand) New Restaurant

今日放工返到般咸道，我想食日本野。但如果住開西營盤嘅都會知道，其實附近真係冇日本野可以揀。淨係得返呢間。只想求佢醫飽個肚，所以雖然之前經驗麻麻哋。都仍然去返呢一間餐廳度，又睇下有咩可以食。希望第三次俾機會會有可能有改善。老實講都係街坊生意啦。今次我醒啦！唔會再叫魚生！一於叫熟食！咦今次有驚喜喎！個牛肉炒烏冬賣相幾得喎！三色蕉啦牛肉啦洋蔥啦都好多好豐富喎。食落去仲好多份量下。雖然＄50都唔係平，但係佢份量幾度多。所以都算係抵嘅。其實味道方面就唔覺得佢好日式㗎啦。都係類似茶餐廳烏冬炒牛肉嗰一種感覺。不過不是茶餐廳豉油汁，變咗做日式嘅豉油汁嘅味道。睇佢都係即整嘅所以新鮮都俾人滿分啦。另外可以加＄3.2面士湯。呢個又有驚喜喎！好多豆腐卜同埋好多海帶喺裏面。＄3真係極之抵啦。估唔到過咗幾年之後返嚟食係可以有改進嘅。不過我諗佢啲魚生我就唔敢試啦。都建議大家去呢一間都係食返熟食啦。希望佢繼續進步啦。令附近嘅街坊都有多個選擇。