韓Cook (Closed)

有睇開我 post 既都知, 我公司有個韓文小妹妹, 三日唔埋就話要食韓國菜! 我哋決心試晒尖沙咀有名的韓國街內每一間韓國菜館! 其實唔真係有好多間, 呢間係最後三間之一喇!為左減肥, 我唔食炆牛肋骨, 食炒牛肉! 估唔到又幾好 wor…飯軟熟有米香, 牛肉唔會炒得過老, 菜又唔會油淋淋, 係個前菜泡菜太酸! 公司小妹妹食泡菜豬肉炒飯, 佢話豬肉好肥, 泡菜好酸, 所以夾埋一齊啱啱好, 只係有點太咸! 條友仔話好肚餓, 再加多個壽司 (年輕人真有戰鬥力), 餡料正常, 飯包得唔夠實, 有待改善!