炊豕店 (威靈頓街) (Closed)

每一次經過銅鑼灣炊豕店都大排長龍，餐廳受歡迎程度不難理解，第一價錢幾便宜，第二炸豬扒太出色😍。今日難得係非繁忙時段經過中環分店，我當然要食炊豕店既炸豬扒。餐廳走簡約風格，顏色比較統一，作為地舖樓底高，而且座位之間排得幾疏，坐既時候感覺比較舒服😌。餐廳提供口罩袋，抵讚👍🏻- 秘製豬扒配胡椒豬骨湯米線呢個係餐廳新出品！湯底呈奶白色，入口清甜，飲嘅時候完全唔覺口渴，相信無乜味精。不過胡椒味欠奉🤭。米線偏向硬身少少，炸豬扒係本店鎮店之寶，炸豬扒有手掌咁大，炸漿厚薄適中，豬肉外脆內軟，肉質非常軟腍。- 叉粒豆角蔥花炒滑蛋飯滑蛋炒得好嫩滑，蛋香十足，加上爽口既豆角、香甜既叉燒粒同蔥花，口感層次更豐富。另外餐廳用左珍珠米，飯粒圓潤煙韌，而且滑蛋差唔多覆蓋成個碗，非常滿足。希望炊豕店不久既將來係九龍灣開分店，咁我以後每日起身返工唔使為下午食咩而煩惱，星期一至五都食炊豕店！