海皇粥店 (東港城) (Closed)

而家要喺 #香港 搵一間 #傳統粥麵店 真係唔容易，新鮮嘅 #油炸鬼，即蒸嘅 #腸粉... 實在令人懷念。呢日約咗朋友喺「東港城」行街，居然比我發現有間「海皇粥店」喺商場嘅角落🤤 雖然佢唔算得係一間 #老字號，不過出品都唔差嘅。既然大家都未食lunch，就由我揸主意。當時已經過咗午餐時間，我哋又可以用 #優惠價 開餐✌🏻 我叫咗碗 #艇仔粥 配 #炒麵，仲加多幾蚊叫咗杯 #凍豆漿😉 咁耐又冇幫襯，#海皇 個 #粥底 都做得幾好，起碼唔會水了了咁😆 因為 #小秘書 對 #花生敏感，所以我主動唔要🥜 不過其他配料一樣豐富，#碎牛肉、#水魷魚... 啖啖都有料🤩 而我由細到大食 #炒麵 都鍾意加勁多 #甜醬 yummy😋 #港式食物 就係有呢種魔力，唔使比好多錢，都可以得到大滿足❤️ 不過唯一美中不足係啲夥計之間嘅交流太大聲，而座位用嚟相隔嘅板令到餐廳感覺好侷促，不過疫情時間，我應該要體諒嘅😅