名館 (Closed)

週日幾隻飯腳last minute call食晚飯。禮拜日搵位更係唔易啦，其中一個話試寫字樓區一定有，結果就貢咗上中環名館。Soho 區食中菜晚飯都係第一次。搶眼茶壺燉湯見有特色就落單 天山雪蓮燉海星、姬松茸燉花膠 功夫茶杯盛載的確有啲架勢，兩個燉湯均以雞湯底燉煮，鮮味各有千秋，海星湯味道近似輕量版螺貝類的鮮甜；松茸花膠就充斥菇菌香，入口微帶漿黏，冬日燉湯倍感溫暖。前菜 胡麻貢菜鮮合桃 及 海葡萄沙律菜 醬料都注入少量芥辣，非我所好，不過合桃香，海葡萄與沙律菜都可以食得出新鮮味。 口痕友晚飯叫咗兩個點心 海綿叉燒包 鮮蝦金魚餃，叉燒包的確較一般酒樓鬆軟；蝦餃造型可愛味道未算突出。中菜加點心不其然會飲啖茶，味蕾即時為之一振，原來係餐廳自家蕎麥茶，茶香獨特整晚飲得特別多茶。飯桶友 Order 咗個 和風櫻花蝦炒飯 櫻花蝦跟醬油又真係令到個飯幾香口嘅。佐以 蜜椒土豆安格斯牛柳粒 啱晒；啲薯仔索曬牛肉同醬汁味道又香又甜又惹味。濃湯咸燒骨奶白菜味道與雲腿津白相近可算係異曲同工之妙，冬日以蠟燭保持菜色和暖可以一讚。最後 台式塔香茄子 塔香香味獨特如果可以小瓦煲熱呼呼端上一定可以成為冬日美饌。甜品原