Video
Read full review
2023-03-01
130 views
之前大小姐冰室開張無耐，同朋友嚟食過下午茶，尋晚同老公行過，見餐牌見到有「 晚市套餐 （一人餐/二人餐/三人餐），終是入去試吓。門口望入去以為冇乜人，但原來入邊坐滿人，好爆場。49款菜式中要揀兩個餸，真係會令人有選擇困難症，冰室都有咁多餸菜選擇真係好驚喜！每個套餐都附送白飯、是日燉湯/例湯、熱飲二杯（凍飲+$3）。我哋兩個人就嗌左一個 《 二人套餐 $228 》，仲好好彩飲到餐廳最後兩盅燉湯！燉湯有龍眼肉、茶樹菇等等好足料又夠火喉，係呢兩盅燉湯已經覺得個套餐好抵食！《 鮮百合雲耳炒蜜豆 》蜜豆脹卜卜好鮮甜，其餘仲有百合、木耳、甘荀、茶樹菇都好新鮮～ 炒蜜豆嚟講佢都算用得多料～ 《 是日蒸魚 》 - 係我最鍾意食嘅豆豉蒜蓉蒸倉魚呀！ 正～豆豉蒜蓉舖滿成條魚，見到都惹味～ 魚肉鮮嫩蒸得剛好，連埋豆豉蒜蓉撈飯超正～原來跟餐嗌特飲只需要加$9，咁梗係嗌啦：《 爆珠雜果賓治 》 - 果汁味道就帶薄荷味，好多生果同爆珠！《 西班牙特濃朱古力咖啡 》- 真係好香濃，加埋忌廉再滑啲好正！雖然已經好飽，但見到又好想食：《 係威嘅蝦多士拌沙律 $68 /2件》幾粒爆珠上面放咗金箔，半溶芝士同多士夾住一
之前大小姐冰室開張無耐，同朋友嚟食過下午茶，尋晚同老公行過，見餐牌見到有「 晚市套餐 （一人餐/二人餐/三人餐），終是入去試吓。
門口望入去以為冇乜人，但原來入邊坐滿人，好爆場。
49款菜式中要揀兩個餸，真係會令人有選擇困難症，冰室都有咁多餸菜選擇真係好驚喜！
每個套餐都附送白飯、是日燉湯/例湯、熱飲二杯（凍飲+$3）。
我哋兩個人就嗌左一個 《 二人套餐 $228 》，仲好好彩飲到餐廳最後兩盅燉湯！
燉湯有龍眼肉、茶樹菇等等好足料又夠火喉，係呢兩盅燉湯已經覺得個套餐好抵食！
《 鮮百合雲耳炒蜜豆 》
蜜豆脹卜卜好鮮甜，其餘仲有百合、木耳、甘荀、茶樹菇都好新鮮～ 炒蜜豆嚟講佢都算用得多料～
《 是日蒸魚 》 - 係我最鍾意食嘅豆豉蒜蓉蒸倉魚呀！ 正～
豆豉蒜蓉舖滿成條魚，見到都惹味～ 魚肉鮮嫩蒸得剛好，連埋豆豉蒜蓉撈飯超正～
原來跟餐嗌特飲只需要加$9，咁梗係嗌啦：
《 爆珠雜果賓治 》 - 果汁味道就帶薄荷味，好多生果同爆珠！
《 西班牙特濃朱古力咖啡 》- 真係好香濃，加埋忌廉再滑啲好正！
雖然已經好飽，但見到又好想食：
《 係威嘅蝦多士拌沙律 $68 /2件》
幾粒爆珠上面放咗金箔，半溶芝士同多士夾住一隻大蝦，下面再有厚厚嘅蝦膠，入口好有口感又有蝦甜，不過會有少少膩感，好彩拌碟有沙律平衡一下。如果下午茶食呢個都唔錯！
Post
