大小姐冰室

Open Now

Now Closed

都係果句，飲嘢前係要打底嘅。由於都係飲cocktail ，我地唔需要放舊牛油入口，食飽就夠，最多唔飲嘢啦！聽講大小姐之前食物質素麻麻哋，不過睇到門口Menu，有嘢想食，所以堅持入去試伏。好彩呢度啲嘢係Ok嘅，相信依家有進步，比想像中好超多，嚇死寶寶了！舖頭門面係咁樣雲吞雞煲 $148雖然雲吞雞係湯，不過呢度叫雲吞雞煲，係有例湯同白飯一碗。呢度係簡易做法，將雞肉浸喺雞湯上面，然後放雲吞，幾鍾意呢種做法，起碼啲雞肉係食到嘅，唔係煲湯雞。呢度嘅雲吞係港式做法，蝦都幾多。同埋原來食完雲吞，浸左好多娃娃菜，都算足料。百花炸蟹钳 （2隻）$70百花即係蝦膠，外皮炸得乾身，裡面包嘅蝦膠，係幾爽，如果想食得清爽啲，可以點埋隔離個糖醋，酸酸甜甜，又一番風味。肯定好過街市凍肉舖，果啲魚漿產品。菠蘿海鮮炒飯 $108菠蘿海鮮炒飯，真係好多海鮮。黃薑粉炒飯炒得幾乾身，海鮮有魷魚、蝦仁、蜆肉同鳴門卷，呢間無落雞肉再炒，反而有三色豆，加多少少港式炒飯嘅感覺。唔錯但偏貴，$108應該貴在兩隻青口，方便俾我地打卡。總數 $326

大小姐冰室以現代化嘅設計為主調。裝潢一啲都唔似傳統嘅舊式茶記，反而好光猛整潔。聽講之前食物質素麻麻哋，但其實比想像中好薑蔥霸王雞啱晒香港人口味！雞皮滑溜溜，雞肉嫩滑又多汁，完全唔柴。薑蔥味道非常出色，非常惹味，配埋一碗白飯，簡單又滿足。沙嗲金菇牛肉煲沙嗲湯底濃郁，帶有微微嘅辣度。牛肉片切得夠薄，煮完都保持嫩滑，金菇吸晒沙嗲汁，口感滑溜又入味，特別滋味。鮮果咕嚕肉呢個茶餐廳經典有啲新嘗試，加入咗菠蘿、蜜桃，酸甜嘅果味帶出咕嚕肉嘅層次感，特別清新。肉件炸得外脆內嫩，包裹住酸甜醬汁，唔會油膩，食完令人開胃。花旗參燉湯湯底清澈見底，唔油唔膩，花旗參嘅清香滲透湯底，飲落去有一種自然嘅甘甜味，飲完覺得滋潤又暖胃。

北角好多寵物友善嘅地方不過帶住🐶食飯多數選擇都係西餐Cafe今次就跟其他狗友揾食試左主打特色小菜、海鮮嘅冰室🤤 🥢百花炸釀蟹鉗(2隻起🦀)✨🥢豉汁蒸白鱔✨🥢豉油王虎蝦✨🥢椒鹽鮮魷🥢羊腩煲(小)✨🥢上湯雲腿片扒娃娃菜晚飯記得升級燉湯(+$10)，勁足料🤩 知道餐廳設有室外位，特登提早book 枱，難得可以帶🍗一齊食中式小菜，一坐低店員就拎左餐具同水杯俾雞髀，仲請佢食🥚👅so sweet！！！ Order左幾款海鮮招牌菜，炸釀蟹鉗同蒸白鱔真係好驚艷！先講百花炸釀蟹鉗，外層炸皮又薄又香脆，點自製酸甜醬食，有一定的中和，而且蟹肉彈牙，比起其他中菜餐廳更勝一籌👍🏻 另外，豉汁蒸白鱔係令小妹流哂口水嘅其中一個菜式，每舊鱔都肥美厚肉，咬落彈牙爽脆，配豉汁蒜蓉汁，令鱔魚食落更鮮味！所有小菜都好出色🤤🙌🏻

I had high hopes for this restaurant, but the experience was marred by the abysmal service. Upon entering, we were left standing for an unreasonable amount of time before anyone acknowledged our presence. The staff seemed disinterested and unresponsive to our needs. It took nearly 30 minutes for our drinks to arrive, and even longer for our food, which was a shock considering the restaurant wasn’t particularly busy. The server was inattentive and dismissive when we tried to address our concerns.

嚟開北角搵狗狗朋友玩，緊係要係附近搵啲per friendly 餐廳啦，成日食西餐好掛住港式冰室牛河西多同華田，朋友即刻介紹佢食開嘅大小姐冰室，我緊係帶住我嘅大小姐米蘇蘇去食啦🤣！🐮避風塘安格斯牛肉炒河 $108安格斯牛肉好有牛肉味，河粉好有獲氣🔥，炒開一條條仲好完整，加上避風塘少少辣好惹味🌶️！🐟籠仔蒸龍躉炒飯 $128一上枱熱辣辣同好香蒜蓉味，龍躉食落啖啖肉，層皮仲有膠質，食落好有口感，加少少豉油調味。個炒飯底仲索晒魚油同豉油，忍唔住爬晒成碟飯啊！🍞西多士 $35西多士好厚身，中間夾住厚厚嘅花生醬，加上牛油🧈同蜜糖，係細個食嘅味道呀！🦑椒鹽鮮魷 $108鮮魷炸到又香又脆口，加上椒鹽調味，好有大排檔風味！🦀百花炸釀蟹鉗（兩隻） $70大大隻蟹鉗，炸到岩岩好，外脆內里彈牙！仲好足料好有蟹肉味！🍞咖央多士 $28烘底多士搽上咖央，非常脆口，下次要叫杯熱奶茶送先得🤣☕️西班牙特濃朱古力咖啡 $32香濃嘅朱古力配上咖啡，仲要大大杯茶檔風格，食飽再吹住水慢慢飲，又一個好chill 嘅下午！

之前都有幫襯開,未有試過遇到今日這樣的事情,他們的員工態度好差, 完全是趕客, 他們居然叫客唔喜歡可以以後唔好來, 身為客人聽到你們咁講, 正常都會答放心以後都唔會來, 但之後他們又再講而家唔喜歡都可以唔好幫襯,既然他們都這樣講, 沒理由不起身走, 這樣的餐廳再好吃也不會有人幫襯 

呢間D員工態度真係好有問題,等位唔係順住落既,後面黎可以入去先既,咁排黎做咩...問點解又話得張圓檯,入左6個人,唔怕逼就入去坐....咁有圓檯點解唔係排先入先呢....仲見到佢同d同事講話返我地,之後坐低左第二個同事仲話坐邊係佢地話事,之後可以唔駛黎,今次都可以唔駛食,你講到咁,咁我地咪走囉,以後都唔會再黎呀

幾廿年黎第一次留言! 2024/11/11下午1點05左右, 一開波, 我們都遵守餐廳規矩排隊等待入座 (我們一行4人), 我們都係第一組客, 等左一陣, 餐廳則是先放後面6個和2個先行入座, 我們向餐廳一位女員工反映點解唔放我地入去先? 佢解釋果張是圓枱黎, 需要搭枱, 我地話咁你可以先問我地願不願意搭枱, 如果我地們不願意咁無野好講, 如果我地願意, 我們4個就同你岩岩放2個入左啦. 女員工都係咁樣解釋就走開了, 我地都算, 有講有笑咁繼續等, 大約5分鐘後餐廳有4人座, 安排我地入座, 突然有一位男員工走過黎過表明坐邊係佢地話事, 我地話我地都係比下意見姐, 我知係你地話事, 佢就話唔鐘意可以下次唔幫襯, 我地就話你放心我地下次都唔會幫襯. 佢仲要再講而家唔幫襯都得, 我地4個心諗你都講到咁, 你煮出黎我地都唔敢食, 就起身走人, 比左一次好好體驗我地, 香港而家飲食業已經唔係好, 仲要咁樣對客. 祝佢地好運!

去接係炮台山返工嘅朋友仔食飯，㨂咗係地鐵站對面嘅大小姐冰室。晚市套餐有好多選擇，一個餐包曬小菜、白飯、例湯同熱飲，幾抵食！首先嗌咗平時係出面好少見嘅蟹箝，炸出嚟熱辣辣大大粒，餡料非常飽滿同結實，一分錢一分貨 龍躉荷葉蒸飯，值得讚嘅係用咗蛋炒飯底，本身已經香，加上荷葉包住蒸同埋龍躉嘅鮮味，非常好食。龍躉切片放係炒飯上面，份量好多，平時街市買龍躉好貴，出街都要食好啲。蒜片牛柳粒份量亦都好大，牛柳好嫩，加上蠔油調味。最後仲叫咗個上湯浸娃娃菜。Menu嘅特色餐飲都好吸引！今次叫咗咁多嘢就無機會試，下次食tea試埋啦！餐廳環境乾淨企理，適合同朋友家人聚餐。我地坐低嘅時候聽到後面個台嘅人話好好食呀!!! 我地食緊嘅時候隔離台啱啱坐低都話啲小菜睇落好吸引。唯一建議係小菜可以少啲鹹。整體嚟講都推薦大家去食

今天和朋友在北角辦事, 記起教友說起這店水準不錯, 便去看看有沒位, 因時間尚早, 職員立即帶我們坐下看到餐牌有很多選擇, 便請職員推薦一下, 她說蒸龍躉飯好好吃, 想了一陣, 朋友擔心吃不到那麼多飯,所以我們點了三款小菜, 是跟三碗飯, 三碗湯, 三杯飲品, 我們請職員先來兩個靚仔一陣子職員先上三碗湯, 湯不咸, 應是紅蘿蔔連湯, 大大碗全喝光, 其實我大食朋友飲了二碗之後飲料也來了, 朋友點了特飲阿華田恐龍脆脆,我點了檸樂, 驚喜的是店用了咸檸檬和黃檸檬, 混在一起味道也夾我們點了1. 牛尾煲- 天啊! 咁大煲怎吃得哂? 牛尾很淋, 很入味, 有大件有細件, 但都炆得很淋, 我們各自撈蕃茄汁已吃了半碗飯, 2. 金銀蛋浸菜心- 本想要莧菜但沒供應, 所以點了菜心, 菜心, 皮蛋也很多, 足料, 菜也滿意, 是嫩口的3. 蒸白鱔- 壓軸的是我們最期待, 大大碟鱔,骨不多, 完全沒腥味, 豉汁很正, 不會太咸因為飯太好送飯,結果也要請職員給我們多一碗靚仔, 職員服務很好, 有禮貌而且細心地提我們要少甜飲品呵香港經濟不好, 呢間很有水準是我心水, 而且價錢不貴, 尤其套餐比較經濟, 職員

大小姐冰室北角英皇道165-175號公主大厦地下01及10-13號地舖。坐港鐵砲台山站B出口對面，步行約2-3分鐘室內氣芬柔和，好合適家庭食飯，份量充足。掂員介紹食物也站在客人那邊著想😊 竹苼羅漢齊: 疏菜、 腐竹、 竹笙、 豆卜、 粟米、西蘭花、木耳、 雜菌類加上美味芡汁，食落是不錯素食👍 鮮菓咕嚕肉: 炸得咕嚕肉剛剛好，未入口已經感到味蕾甜酸😋還有好多好好食配料(橙肉、 菠蘿 、 青椒、紅椒、黃椒、洋蔥、 菠蘿等)。 避風塘安格斯牛肉抄河:炒得非常有碢氣👍喜愛食辣的朋友一定要試試，河粉軟滑，安格斯牛肉，炒乾辣椒，蒜蓉碎粒灑在上面😋 一口豆腐: 熱辣辣豆腐外層奶白色皮，咬落去有豆腐味和滑溜。 在豆腐面上灑胡椒粉，味蕾也感受到，好合意。 最後，叫了一杯冰冷，西班牙特濃朱古力咖啡，飯後不能決少的😋👍

最近約同朋友，在港島電車路附近，周圍去搵好野食，今日路經炮台山港鐵站附近，見到一間門面光猛，有晚飯小炒的冰室＜大小姐冰室＞，就決定試下。呢度點晚市小菜，都有幾多選擇，價錢都係由$6x起。每個小菜，仲送例湯、飯及熱飲，亦可加 $10升級燉湯。🥢避風塘安板斯牛肉炒河嚟到已經聞到陣陣香味，上層有大量炸至脆香的蒜粒，安格斯牛肉、河粉加入豆豉、辣椒爆炒，牛肉肉質嫩滑軟腍，河粉乾身唔油膩，味道香辣惹味。🥢鮮果咕嚕肉啖啖肉的咕嚕肉，肉質鬆化軟腍，加上酸酸甜甜的醬汁，送飯一流。🥢竹笙羅漢齋竹笙爽脆，加上西蘭花、腐竹、豆腐、木耳、菇菌等，配搭簡單，味道清爽。🥢一口豆腐另外單點咗一份炸豆腐，外層炸至金黃酥脆，豆腐軟滑，入口熱辣香脆，非常惹味。整體嚟講，呢度的食物材料新鮮，味道鹹甜適中，有水準的小炒👍

住炮台山嘅朋友話呢間茶餐廳好好食，咁啱我喺對面做gym，就捉埋佢一齊食早餐🤣早餐比一般茶餐廳多野揀，仲有推薦嘅馬來沙嗲牛肉公仔麵，香港人對沙嗲牛麵要求極高，呢個都真係唔錯，湯底深色，醬汁幾濃，牛肉夠腍但不失咬口，轉咗出前一丁麵就更正。 伴碟有雙太陽蛋，而麵包多士仲可以轉薯餅，金黃香脆好味！跟餐+$9 ，竟然有杯巨型～西班牙特濃朱古力咖啡，可少甜少冰，上面佈滿忌廉，咖啡香濃順滑有驚喜朋友點的懷舊港式叉燒稻庭烏冬及餐蛋治烘底就不過不失，追加豬扒，只是$8 都幾大塊，煎得幾香最後仲有特色雞扒包，擺盤好似cafe 咁，雞扒厚身，配蕃茄、生菜同醬汁，麵包帶脆，唔過腍唔過乾，味道都唔錯

今日阿女陪我去炮台山探親戚，之後經過英皇道，見到有間冰室，餐牌食物都啱食，就一齊入座食晚餐，大小姐冰室裝修簡潔光猛，格調像高級茶餐廳。豉汁蒸白鱔：白鱔好新鮮，豉汁味道調配得好夠味，白鱔肉質彈牙入味，用嚟送飯一流！薑蔥霸王雞半隻：這道菜的主要材料是雞、葱和薑，雞肉滑口彈牙，配上香口惹味薑蔥和甜豉油很惹味。百花炸釀蟹鉗兩隻：必吃「百花釀蟹拑」有驚喜，蟹鉗即叫即做，金黃色的外層香脆可口，裡面蝦膠鮮味彈牙，蘸上酸甜度恰好的醬汁，味道更提升。茶餐廳都有咁出色的出品，真係要讚！豉椒排骨炒河足料份量多，即叫即炒好有鑊氣，排骨同河粉加上豉椒芡汁好惹味！晚餐小菜奉送餐湯和白飯：老火湯夠火候，味道香甜。鹹檸七：鹹甜交雜，冰涼透心。大小姐紅豆冰：大大杯份量十足，大大粒紅豆爆沙，加上香滑嘅淡奶，味道甜美超冰涼！入嚟之前聽到客人講：餐廳之前食物質素唔係咁好，而家食落覺得唔錯，食物質素同味道都有進步，我食完都覺得食物和味道都有水準。

屋企附近好味茶餐廳都好幾間, 但要數真係嘆茶記早餐呢, 即又要好味, 又要坐得舒服, 又唔洗勞氣呢都係佢. 試過幾次遠方親朋臨別前最後早餐都係揀大小姐. 成日幻想應該老闆個大女好有指定要求, 出面冇間做到想要嘅效果, 所以自己開一間滿足個女咁... 價錢比同區大部份貴$10至$20, 但冇咩挑剔. 包茄汁都係亨士.服務個個話頭醒尾, 快靚正, 正常招呼. 早餐粉麵系列 ☀️馬來沙嗲牛肉公仔麵 $45煎雙蛋反蛋 丹麥多士轉薯餅 +$5凍檸茶 +$3$53有冇人食麵好似我咁, 每樣少少連湯, 一匙羹一啖一啖咁食？好味D.🥄我比較喜歡少湯, 濃郁D. 嗲牛面最怕一個海洋嘅湯又加三色豆, 炒得再好食都徙. 呢個啱啱好. 🍜完美荷包蛋, 煎到有色, 蛋白仲超嫩, 個黃流心. 🍳薯餅好香脆, 連滑滑蛋一啖食, 滋味.啜返啖凍檸茶, 正.🥤