霸嗎拉麵 (Closed)

我諗 #小秘書 之前都有同大家講過，如果「粥粉麵飯」只可以揀一樣，我一定會揀「麵食」，而且仲一定要係「湯麵」🍜 麵條跟埋熱辣辣嘅湯底一齊擺入口，諗起都幸福❤️呢日我哋嚟到銅鑼灣，唔知係咪最近香港負面新聞實在太多，街上嘅人流明顯比以往嘅星期六少🤪 加上當時已經係下晝三點，我哋想食咩都得啦😅 由「崇光百貨」後門行出去，滿佈各式各樣嘅餐廳，遠遠見到街尾嘅「霸嗎拉麵」門口裝飾得幾特別，掛滿紅白色嘅燈籠🏮，好搶眼👀 好！今日就點佢燈啦🤣原來餐廳裡面嘅裝修都好骨子，感覺有啲似去咗日本咁呀！服務員好快就幫我哋安排好位置，嚟得 #霸嗎拉麵，當然要試吓佢哋嘅「炙燒豚肉味玉拉麵」啦！聽講佢哋個湯底係用 #醬油 同 #豚骨 熬製而成，飲落嘅口感真係好豐富😋 至於碗拉麵當然係無得輸啦😉 #炙燒豚肉 充滿濃濃嘅炭燒味道，麵質好有口感，唔會爛溶溶咁👍🏻 為食嘅我哋，之後我哋又點咗一份「雞叉燒」嚟開心share，師傅將 #雞肉 卷成「日式叉燒」形態，味道甜甜地，夾埋啲蔥花一齊食，味道特別好😋 食完咁豐富嘅呢餐，我又要游多十個八個塘先可以消耗喇🤪