Video
Read full review
2024-09-19
89 views
好耐冇食串燒，朋友介紹旺角新開嘅串燒居酒屋蕾，主打備長炭火串燒，尤其以燒鳥（燒雞）同埋內臟做得好出色，而且仲有超過80種清酒可以揀，係趁中秋節過去試吓順便當做節啦 🤭梅子蕃茄、蒲燒鰻魚玉子燒前菜首先叫咗個梅子蕃茄，酸酸甜甜好清新，另外叫咗個蒲燒鰻魚玉子燒，個蛋仲整得好滑，中間包住好 juicy 嘅蒲燒鰻魚，食完成個人超開胃 😍雞皮、鹽燒手羽、提燈、自家製月見雞肉棒既然佢地主打燒鳥，咁當然要叫返啲雞嚟試吓啦，雞皮燒得好香脆，而且焦焦地嘅邊食到有炭火嘅香味；鹽燒手羽就控制得火候啱啱好，雞翼全熟之餘亦都仲好滑 😍 講到雞內臟，今次我哋就試限量供應嘅提燈，成日聽人講睇人打卡就多，今次真係第一次試，所謂嘅提燈就係雞嘅輸卵管、卵巢同埋雞芯，拎起上嚟就好似一串燈咁樣，賣相好得意，食落口每個部位嘅口感都好唔同，整體都算燒得好香，雖然事先知道咗佢哋係雞嘅乜嘢內臟，不過真係比想像中易入口同好食 🙌🏻另外再叫咗個自家製嘅月見雞肉棒，雞肉裏便混合咗少少軟骨，所以個口感好得意，點埋充滿着蛋黃香嘅遇見汁，都幾好味 😋豚肉鵪鶉蛋、豚肉泡菜卷、牛舌芯、燒白鱔另外豬、牛同海鮮都各自叫咗少少試吓，佢哋呢個炭火燒真係好正
梅子蕃茄、蒲燒鰻魚玉子燒
前菜首先叫咗個梅子蕃茄，酸酸甜甜好清新，另外叫咗個蒲燒鰻魚玉子燒，個蛋仲整得好滑，中間包住好 juicy 嘅蒲燒鰻魚，食完成個人超開胃 😍
雞皮、鹽燒手羽、提燈、自家製月見雞肉棒
既然佢地主打燒鳥，咁當然要叫返啲雞嚟試吓啦，雞皮燒得好香脆，而且焦焦地嘅邊食到有炭火嘅香味；鹽燒手羽就控制得火候啱啱好，雞翼全熟之餘亦都仲好滑 😍
講到雞內臟，今次我哋就試限量供應嘅提燈，成日聽人講睇人打卡就多，今次真係第一次試，所謂嘅提燈就係雞嘅輸卵管、卵巢同埋雞芯，拎起上嚟就好似一串燈咁樣，賣相好得意，食落口每個部位嘅口感都好唔同，整體都算燒得好香，雖然事先知道咗佢哋係雞嘅乜嘢內臟，不過真係比想像中易入口同好食 🙌🏻
另外再叫咗個自家製嘅月見雞肉棒，雞肉裏便混合咗少少軟骨，所以個口感好得意，點埋充滿着蛋黃香嘅遇見汁，都幾好味 😋
豚肉鵪鶉蛋、豚肉泡菜卷、牛舌芯、燒白鱔
另外豬、牛同海鮮都各自叫咗少少試吓，佢哋呢個炭火燒真係好正，燒出嚟嘅肉好香好惹味，而且仲keep住非常之Juicy 🫶🏻 燒白鱔都非常之肥美，外面燒到脆脆地，入邊嘅肉仲非常之嫩，一啖咬落去勁多汁，好正 🤤
豚肉生菜卷、翠玉瓜、粟米、車厘茄
當然都有試蔬菜啦，我覺得個豚肉生菜卷好特別，外面嘅豚肉燒到剛剛好，又嫩又多汁，同時間裏面嘅生菜都仲keep到好新鮮，食落去仲食到生菜嗰種清甜嘅味道，成個卷勁Juicy 🤤 另外翠玉瓜都好有驚喜，估唔到厚切嘅翠玉瓜燒完都仲咁多汁，再加上面頭加咗啲椒鹽，成件事惹味咗好多 😍
夢王蛋飯
最後叫咗個夢王蛋飯，飯入面加咗勁多蔥，啲蔥仲要勁Fresh，清清甜甜咁，加埋好Creamy嘅夢王蛋同醬油，成件事好Rich好好味 😋
呢度嘅清酒吧有超過80種清酒可以選擇，最特別嘅係佢唔使成支開晒，可以 by glass 或者by table咁叫，今次就試咗大雪溪，呢一支係冇經過消毒嘅生果，比平時飲開嘅清酒冇咁甜，都幾特別幾好飲 🍶
Post
