丸亀製麵 (荃灣廣場)

Open Now

Now Closed

丸龜製麵之前都食過唔少次，而今次特登幫佢寫過食評，並唔係因為之前冇寫嘅關係，而係因為第一次叫咗佢個炭燒雞肉溫泉蛋烏冬，竟然比到我一個驚喜嘅感覺。佢個炭燒雞肉溫泉蛋烏冬，佢會問你要唔要辣汁，佢個辣汁並唔係平時食開啲餐廳嘅辣椒油啊、辣椒醬等嘅味道，而係似係啲日本式自家製嘅辣椒醬汁，感覺都幾惹味。另一方面，佢個溫泉蛋攪勻後撈落佢個烏冬係幾好食，配埋佢個炭燒雞肉粒同側邊啲紫菜絲，感覺上都係一個幾夾嘅烏冬，我唔識講佢係一個湯烏冬定係一個醬汁撈烏冬，因為佢個醬汁比例話多唔多話少唔少，所以食到最後都會幾覺得幾鹹。另外我仲叫咗個小食，炸茄子，茄子最正嘅就係佢本身朔油嘅特質，所以十幾蚊嚟講佢真係算好好食（雖然好肥哈哈）食個幾飽嘅烏冬加個茄子都係60幾蚊埋單，我覺得都幾平靚正㗎，有機會嘅話會再叫！