炭 (Closed)

其實平均每幾個月都去一次，最愛鵝肝雞蛋飯（推介），厚厚脆皮鵝肝與半熟蛋混合，真係人間美食！其他串燒都係用炭燒，好有heart，口感脆口，味道香濃，好有日本居酒屋既感覺！得意推介有雞掌肉，燒到脆卜卜，加上日式燒烤汁，咬落去彈牙，感覺有d似燒香左既冇骨泰式鳳爪！另外唯一唔推介既係雞翼，雖然燒得好靚，但味道就.....因為好重雪味！環境方面，因為係炭燒關係，空氣比較差，通風系統唔夠，所以食完飯番到屋企都仲聞到自己既炭燒味。