The Grill Room (銅鑼灣廣場二期)

食過幾次印象中係隨意叫都好食嘅高質西餐，發現新店menu唔同左，美味依然。炭燒美國16安士USDA安格斯肉眼香氣撲鼻、份量十足。 切開嫩紅有肉汁，牛味同炭燒香味都好足。 除左表面有微微焦香，鐘意安格斯肉眼帶有少少肥膏，好香口。 side dish脆新薯都係一絕，軟滑有薯香，重點係香草檸檬忌廉汁creamy濃厚，係我食過最好食嘅side dish。紅椒汁煮青口伴蜆大通粉幾乎每台都有，紅椒汁非常香，酸酸甜甜又有紅椒獨有香味，淨係靠個汁已經食唔停口。 青口同蜆都好新鮮，仲有肉腸粒提味，用料十足。