Video
Read full review
2023-09-09
640 views
由於👧🏻講左成個星期話想食蛋餅，所以我哋今次就嚟咗呢間位於炮台山地鐵站附近嘅台式小店。 一入到嚟見到佢個裝修就覺得好有台灣夜市嘅感覺，餐廳播嘅多數都係五月天同八三夭嘅歌🥰🥰 另外，座位同座位之間唔算太迫，算係坐得幾舒服，好適合同朋友嚟吹水食個快飯。 食物方面，由於我哋嗰日唔算太肚餓，所以淨係叫咗一個主食同埋幾個小食。 玉米蛋餅($28)佢個蛋餅同”吃什麼”嗰種唔太一樣，食落唔算好煙韌，但勝在即叫即整，面頭嘅醬油膏同埋蛋黃醬都落得啱啱好，唔會太重手！ 香酥雞扒滷肉飯($53)原本以為$53仲要有雞扒，應該會係細細碗，上菜嗰陣我哋就好慶幸自己淨係叫咗一個主食😂。雞扒外面炸到外脆內軟，不過個滷肉飯就相當麻麻，滷水汁太稀，滷肉亦都太瘦。 QQ地瓜球($37)喺台灣食過嗰一種地瓜球空氣感會比較重啲，不過個人來講會比較鍾意呢度個種，一咬落去滿滿嘅地瓜蓉好似就快瀉出嚟咁！而且粗略估計起碼有20粒，認真抵食！ 滷汁青菜($28)食得菜都純粹追求吓健康，所以味道方面就唔好咁講究，就係普普通通一碟菜😂
一入到嚟見到佢個裝修就覺得好有台灣夜市嘅感覺，餐廳播嘅多數都係五月天同八三夭嘅歌🥰🥰 另外，座位同座位之間唔算太迫，算係坐得幾舒服，好適合同朋友嚟吹水食個快飯。
食物方面，由於我哋嗰日唔算太肚餓，所以淨係叫咗一個主食同埋幾個小食。
玉米蛋餅($28)
佢個蛋餅同”吃什麼”嗰種唔太一樣，食落唔算好煙韌，但勝在即叫即整，面頭嘅醬油膏同埋蛋黃醬都落得啱啱好，唔會太重手！
香酥雞扒滷肉飯($53)
原本以為$53仲要有雞扒，應該會係細細碗，上菜嗰陣我哋就好慶幸自己淨係叫咗一個主食😂。雞扒外面炸到外脆內軟，不過個滷肉飯就相當麻麻，滷水汁太稀，滷肉亦都太瘦。
QQ地瓜球($37)
喺台灣食過嗰一種地瓜球空氣感會比較重啲，不過個人來講會比較鍾意呢度個種，一咬落去滿滿嘅地瓜蓉好似就快瀉出嚟咁！而且粗略估計起碼有20粒，認真抵食！
滷汁青菜($28)
食得菜都純粹追求吓健康，所以味道方面就唔好咁講究，就係普普通通一碟菜😂
Post
