串燒王 (建基大廈)

Open Now

Now Closed

住喺炮台山嘅朋友食宵夜有多一個選擇，就係串燒王。串燒王開到凌晨四點，串燒選擇頗多，味道比較重口味。餐廳面積比較細，環境衛生正常，我見好多客人都係買外賣。- 錫紙花甲粉花甲沉晒落底，其實數量非常多，不過有少少沙。湯底味道好似麻辣燙，粉絲好索汁非常惹味，另外仲有金菇同蔬菜。- 蒜蓉扇貝扇貝肉質彈牙，蒜蓉粒鋪滿成個扇貝上面，調味唔會話太鹹👍🏻- 錫紙燒雜菇份量好大，而且入面有好多唔同菇類，調味比較輕手。- 雞中翼雞翼非常大隻，燒嘅時間啱啱好，外皮香脆，肉汁豐富。- 五花腩外皮燒得焦香，肉質肥瘦均勻，味道香甜。- 惹味饅頭片以為會將饅頭切開一片片，點知係成個饅頭上，食落好乾，而且唔係太入味。饅頭都係配上煉奶最好味🤣- 雞皮雞皮油脂十足，不過要趁熱食，放涼左就變得好稔身。- 土豆片土豆片係今餐最驚豔嘅串燒，土豆片切得好薄，口感同薯片一樣咁脆口，孜然粉令味道更上一層樓😋原來炮台山有間咁抵食嘅串燒店，而且開到凌晨四點，上菜速度非常快，