素食主意 (Closed)

因為係初一十五既素食日 係開炮台山打算搵素食店外賣 估唔到居然少之又少 最終係天橋底才搵到一間既素食店 店舖雖小 但食物都唔算少 價錢都相當親民。 分別叫左 「白汁菠菜粟米意粉」（$52） 、「魚香茄子飯」（$50）及「炸水牛芝士波」（$45） 。 店舖只有一位職員 所以都需要等一下 首先係「白汁菠菜粟米意粉」 值得欣賞既係 店員會細心分開汁餸同意粉 以免因為未係短時間內用膳而意粉先林哂 搞到賣相口感差既情況 白汁份量相當多 而菠菜比想像中都大份 混合意粉後 十分香同口感唔錯而「魚香茄子飯」 ， 食落去口感相當似真肉， 而且唔會似真魚香茄子咁有辣味 最後到小食「炸水牛芝士波」 ， 共有7粒， 水牛芝士味唔算好重， 同埋可能唔係即食 所以有啲林左 唔算好香口。