Video
Read full review
2021-12-17
603 views
好多年前喺附近返工，以前呢度冇咁旺。咁多年之後返嚟，變咗好多，唔同晒，多咗好多嘢食。之前已經成日聽過呢間餐廳，想試好耐。因為附近冇商場，就算約人食飯，都唔多嚟呢區。朋友推介之下，今晚就嚟咗啦。我哋兩個人，叫咗三樣嘢。沙律、兩個主菜，牛扒同意大利飯。凱撒沙律：份量唔算好大，有幾粒車厘茄，冇麵包粒，冇煙肉。同平時食開有啲唔一樣。味道不過不失，沙律醬夠多，沙律菜切到細細片，女仔進食就會比較方便。黑松露蘑菇雞意大利飯：食物溫度夠熱，好香，好惹味。分量比想像中大，我哋加咗雞肉，真係啖啖都有肉，仲有蘑菇，做得唔錯。US Angus Ribeye：我哋order 12oz share，係厚切牛扒，賣相好靚，有薯蓉、沙律菜、原個蒜頭 。Order左五成熟，肉質偏硬。但個薯蓉有驚喜，有啲辣辣地。初頭食覺得有啲怪，但係食落又好覺得幾夾。不過店舖比較細，建議上網book左位先，全部枱都放晒Reserve牌。Walk in 的話，有可能會冇位。舖頭坐滿晒人嘅時候，其實都有少少迫。總括而言，值得嚟食，食得出係有心食店。
之前已經成日聽過呢間餐廳，想試好耐。因為附近冇商場，就算約人食飯，都唔多嚟呢區。朋友推介之下，今晚就嚟咗啦。
我哋兩個人，叫咗三樣嘢。沙律、兩個主菜，牛扒同意大利飯。
凱撒沙律：份量唔算好大，有幾粒車厘茄，冇麵包粒，冇煙肉。同平時食開有啲唔一樣。
味道不過不失，沙律醬夠多，沙律菜切到細細片，女仔進食就會比較方便。
黑松露蘑菇雞意大利飯：食物溫度夠熱，好香，好惹味。分量比想像中大，我哋加咗雞肉，真係啖啖都有肉，仲有蘑菇，做得唔錯。
US Angus Ribeye：我哋order 12oz share，係厚切牛扒，賣相好靚，有薯蓉、沙律菜、原個蒜頭 。Order左五成熟，肉質偏硬。但個薯蓉有驚喜，有啲辣辣地。初頭食覺得有啲怪，但係食落又好覺得幾夾。
不過店舖比較細，建議上網book左位先，全部枱都放晒Reserve牌。Walk in 的話，有可能會冇位。舖頭坐滿晒人嘅時候，其實都有少少迫。
總括而言，值得嚟食，食得出係有心食店。
Post
