泰色食 (Closed)

水星街附近有好多食店，當中的一間泰式小店，除左有泰國菜食之外，仲有台灣菜可以食，真係可以話一個價錢兩種味道餐廳座位寬敞舒適，店員服務細心，牆上的東南亞裝飾及橙色的牆身，非常有泰國餐廳的感覺而且午市套餐性價比高，可以加配其他小食及甜品，大家去開附近的話，絕對值得一試食物方面:原隻菠蘿炒飯 : 原隻菠蘿非常吸睛、炒飯用上椰香的黃薑飯配上大蝦，青口、提子乾、菠蘿粒、雞粒，再加上香口的腰果及肉鬆，非常豐實美味豬頸肉炒出前一丁 : 豬頸肉爽口，出前一丁配上芝麻、洋蔥、芽菜、韭菜一起炒，炒麵有鑊氣，非常惹味香茅雞翼 : 切成單骨上檯非常細心，香茅味濃，雞翼外脆嫩滑千層糕 : 千層糕香甜彈牙煙韌，陣陣香濃的泰式香葉味道，非常不俗的甜品