16 Shell (Closed)

今日約朋友去天后聚一聚，朋友揀咗間明星助手開嘅西餐廳。黑炭黑蒜蓉包好香，焗得外脆內軟。黑蒜不辣口之餘帶有甜味，味道特別！法式田螺，螺肉本身味道不濃，靠墊底既薯蓉帶出味道，薯蓉蒜味及牛油味濃，味道不錯但略嫌份量太少。意大利芝士肉醬千層麵熱辣辣焗起上枱，蕃茄醬酸酸甜甜非常開胃，可惜肉醬份量太少。千層麵煙韌有口感。酥皮黑松露比薩批，熱辣辣黑松露味非常香。黑松露及芝士份量足夠，配上蕃茄、火箭菜及蘑菇味道清新。可惜酥皮太淋身唔可以拎起黎食。