MIRROR BURGER (寶榮大廈)

Open Now

Now Closed

煙三文魚牛油果煎蛋漢堡煙燻三文魚配搭濃郁牛油果，仲有流心煎蛋真係好驚喜，健康又好味，加上配料好豐富，份量比一般多，有脆生菜，紫洋蔥，蕃茄，口感豐富多層次。牛油果軟殼蟹漢堡見佢即叫即炸，原隻軟殼蟹上酥脆可口，外脆內軟，加上新鮮蔬菜同牛油果，增加清新感覺。套餐加$19有小食同野飲小食叫左煙燻脆香雞翼，煙燻味突出，值得試下。酥脆藕片真係非常脆口，好似食緊薯片咁，每枱都有蕃茄汁，可以按照自己需要添加醬汁。Burger 質素唔錯，見佢即叫即做，份量好足用料都非常新鮮，鋪面雖然唔大但乾淨企理坐得舒服，值得推介可以試試。