Video
Read full review
2021-08-30
379 views
添好運點心店被稱為全世界最便宜的米芝蓮餐廳，一直深受遊客同街坊歡迎，價格相宜又食到即叫即蒸點心，所以今日慕名而來試一試師傅手藝未坐低店員已經不斷問飲咩茶，好chur，而且位置對住風口位，坐得唔太舒適，問佢可唔可以轉位，佢話唔可以，服務真係好一般…..酥皮焗叉燒包 $23招牌點心之一，一份有三件，聞落真係好香，熱辣辣出爐，入口鬆脆，叉燒餡唔會過咸同過肥，口感好正，值得一叫晶瑩鮮蝦餃 $31蝦餃皮都算薄，入面都有2-3隻蝦，新鮮彈牙豉汁蒸鳳爪 $21相對較失色，份量唔多，醬汁一舊舊，雖然鳳爪幾入味，但花生唔太軟腍，可以不叫紅油炒手 $26味道唔會好辣，雲吞都係脹卜卜，足料叫左一份炸兩，單上寫要等20分鐘，但過左30分鐘都未黎就問問店員，佢幫我地追左一次單，但隔離檯遲過我地入座已經有，過多10分鐘仲未有，我地決定唔等，直接取消，一份炸兩等40分鐘未免太離譜
未坐低店員已經不斷問飲咩茶，好chur，而且位置對住風口位，坐得唔太舒適，問佢可唔可以轉位，佢話唔可以，服務真係好一般….
.
酥皮焗叉燒包 $23
招牌點心之一，一份有三件，聞落真係好香，熱辣辣出爐，入口鬆脆，叉燒餡唔會過咸同過肥，口感好正，值得一叫
晶瑩鮮蝦餃 $31
蝦餃皮都算薄，入面都有2-3隻蝦，新鮮彈牙
豉汁蒸鳳爪 $21
相對較失色，份量唔多，醬汁一舊舊，雖然鳳爪幾入味，但花生唔太軟腍，可以不叫
紅油炒手 $26
味道唔會好辣，雲吞都係脹卜卜，足料
叫左一份炸兩，單上寫要等20分鐘，但過左30分鐘都未黎就問問店員，佢幫我地追左一次單，但隔離檯遲過我地入座已經有，過多10分鐘仲未有，我地決定唔等，直接取消，一份炸兩等40分鐘未免太離譜
Post
