Video
Read full review
2024-02-05
560 views
五目屋. 用餐日期: 2024年2月5 午餐位於灣仔既小店，食日式咖哩飯同一D家庭式料理。睇番價錢好多都係$100樓下，偏親民。午餐時間都要等位，不過唔算等好耐就入得。餐廳係用QR code自助落單，而午市套餐會包一份日式沙律同一杯綠茶(綠茶可轉麵鼓湯)。跟餐沙律係好普通既椰菜絲沙律，中間加左少少羅白絲同栗米粒，配沙律醬，普普通通。《$24 炭火免治雞軟骨肉串》$24係跟餐價，正價單點要$36，一份有兩串，扁身既肉串長過隻手指，冇炭火香，上枱唔係熱辣辣，只係暖暖地。就咁睇就平平無奇，咬落可以食到雞軟骨，口感都幾特別。《$72 特製吉列豬扒蛋包飯+秘製日式咖哩》特製吉列豬扒咖哩蛋包飯，上面淋左少少豬扒醬，本來係無得輸既經典配搭，但可惜豬扒炸得太燶，見到顏色偏黑，食落可以食到苦味，豬扒又乾又柴，完全冇肉汁，咬落實的的唔鬆化，扣左好多分。配既飯係普通白飯，唔係調味飯，亦唔係茄汁飯，但新奇既係飯中間有少量蘑菇真係好少見。飯唔係粒粒分明，用既係普通米，唔係珍珠米，雖然未去到爛，但係飯粒冇咬口。蛋做到半流心，但就唔係一切落去好似瀑布咁流落黎果種，感覺比較似茶餐廳炒滑蛋放左係上面咁。《$67 流心芝
.
用餐日期: 2024年2月5 午餐
位於灣仔既小店，食日式咖哩飯同一D家庭式料理。睇番價錢好多都係$100樓下，偏親民。午餐時間都要等位，不過唔算等好耐就入得。餐廳係用QR code自助落單，而午市套餐會包一份日式沙律同一杯綠茶(綠茶可轉麵鼓湯)。跟餐沙律係好普通既椰菜絲沙律，中間加左少少羅白絲同栗米粒，配沙律醬，普普通通。
6 views
0 likes
0 comments
《$24 炭火免治雞軟骨肉串》
$24係跟餐價，正價單點要$36，一份有兩串，扁身既肉串長過隻手指，冇炭火香，上枱唔係熱辣辣，只係暖暖地。就咁睇就平平無奇，咬落可以食到雞軟骨，口感都幾特別。
6 views
0 likes
0 comments
《$72 特製吉列豬扒蛋包飯+秘製日式咖哩》
特製吉列豬扒咖哩蛋包飯，上面淋左少少豬扒醬，本來係無得輸既經典配搭，但可惜豬扒炸得太燶，見到顏色偏黑，食落可以食到苦味，豬扒又乾又柴，完全冇肉汁，咬落實的的唔鬆化，扣左好多分。配既飯係普通白飯，唔係調味飯，亦唔係茄汁飯，但新奇既係飯中間有少量蘑菇真係好少見。飯唔係粒粒分明，用既係普通米，唔係珍珠米，雖然未去到爛，但係飯粒冇咬口。蛋做到半流心，但就唔係一切落去好似瀑布咁流落黎果種，感覺比較似茶餐廳炒滑蛋放左係上面咁。
11 views
0 likes
0 comments
16 views
0 likes
0 comments
《$67 流心芝士漢堡扒蛋包飯》
相比起炸到燶哂既豬扒，流心芝士漢堡扒就好少少。比較欣賞既係咖哩汁都比得幾大方，唔會食到最後乾爭爭冇哂汁，咖哩汁入面仲有羅白粒，好有日式家庭料理既感覺。飯同上面一樣都係蘑菇飯，漢堡扒都幾厚身，感覺可以再煎得焦香少少，切開一半中間會有芝士汁，冇流心效果，不過唔會太Dry。
3 views
0 likes
0 comments
12 views
0 likes
0 comments
8 views
0 likes
0 comments
人均消費：$80
環境：7/10
食物：6/10
服務：6/10
性價比：7/10
整體：6/10
Post
