泰肥牛海鮮火鍋菜館 (Closed)

本來無諗住食呢間，買買下布落雨，又見有D肚餓，7點唔夠已經食Dinner，入到去只係得一檯客。兩個人食野唔多，只係點左肉碎煎蛋飯，蝦膏椰菜苗，仲有個海鮮………登登登登，泰式避風塘爆炸賴尿蝦，因為想知佢點爆炸。叫個飯純為飽肚，撈蛋食呢種阿媽式做法我都幾鍾意，加埋香茅味，呢個普通得黎都有D唔普通，起碼屋企唔會咁整。再加埋個少少硬身既蝦膏椰菜苗，又係香口野，真係好夾。不過同食生菜包一樣，肉碎最後係食唔晒~~~~SORRY~~~~我都唔想浪費，不過真係已經飽了。到個避風塘爆炸賴尿蝦，避風塘食得多，所謂爆炸，原來係將好多香葉加埋入去爆香佢，爆到葉都脆埋。食落賴尿蝦比就咁避風塘係多左D泰式香葉味，亦都冇咁辣，仲有小心成手都係呢種味…………食賴尿蝦好難唔用手呀 > <! 蝦雖然唔算好大隻，不過都好鮮味，呢碟一舊水唔使，OK可以一試。