Video
Read full review
2021-04-19
296 views
呢間炸豬扒定食已經係油麻地呢個位置好多年，每次食飯時間經過都會大排長龍，咁岩今日經過見唔洗排隊，咁就入去試下啦～入列去果時因為一個人食既關係，就要搭枱，但職員就無拎隔版黎隔開我同另一位食客，呢方面就唔係咁好喇～而餐牌上既選擇都好多，而每次過黎食我其實最鐘意飲佢果碗野菜豚肉湯，所以今次就揀左野菜豚肉湯定食，貪佢碗湯係大碗既😋😋野菜豚肉湯定食（$65）賣相同餐牌照片既一樣，首先個湯的確係好飲，應該係麵豉湯做底，加埋豚肉煲埋既甜味，配合埋一齊十分之夾，係同外面既麵豉湯有啲唔同，比外面既麵豉湯更好飲👍🏻👍🏻而主角炸豬柳味道一樣十分脆，外皮脆漿唔會過厚，十分香脆，絕對係高質既炸豬扒，而佢旁邊亦有大量切好既菜，自己可以落芝麻醬撈黎食，味道十分清新👍🏻👍🏻總結呢餐既食物質素相當高，各項食物都係水準之上，但價錢亦都相對地較貴，因為佢仲要收埋加一，變相要$70食一餐午餐，價錢就唔算平，但味道絕對好味👍🏻👍🏻
入列去果時因為一個人食既關係，就要搭枱，但職員就無拎隔版黎隔開我同另一位食客，呢方面就唔係咁好喇～
而餐牌上既選擇都好多，而每次過黎食我其實最鐘意飲佢果碗野菜豚肉湯，所以今次就揀左野菜豚肉湯定食，貪佢碗湯係大碗既😋😋
野菜豚肉湯定食（$65）賣相同餐牌照片既一樣，首先個湯的確係好飲，應該係麵豉湯做底，加埋豚肉煲埋既甜味，配合埋一齊十分之夾，係同外面既麵豉湯有啲唔同，比外面既麵豉湯更好飲👍🏻👍🏻
而主角炸豬柳味道一樣十分脆，外皮脆漿唔會過厚，十分香脆，絕對係高質既炸豬扒，而佢旁邊亦有大量切好既菜，自己可以落芝麻醬撈黎食，味道十分清新👍🏻👍🏻
總結呢餐既食物質素相當高，各項食物都係水準之上，但價錢亦都相對地較貴，因為佢仲要收埋加一，變相要$70食一餐午餐，價錢就唔算平，但味道絕對好味👍🏻👍🏻
Post
