品越越式料理 (奧海城) (Closed)

響奧海城行街，於是響二期搵食，揀咗呢間食越南嘢嘅。我哋四個人，點左五樣嘢食。分別係炸軟殼蟹米紙卷，牙車快配燒海𧎚，紅酒汁燴牛柳粒配紅飯，牛油炸雞翼，同埋炒貴刁。炸軟殼蟹米紙卷入面有d米粉，菜絲，青瓜條同當然唔少得嘅軟殼蟹，感覺清爽但有軟殼蟹，味道不單薄牙車快配海蝦青木瓜絲混入紅蘿蔔絲，少許椂柚肉，又一適合夏天嘅菜式，非常爽口。另外，燒海蝦亦都好新鮮好有蝦味。紅酒汁燴牛柳配紅飯牛柳粒燴得好淋，而且紅酒汁好入味，好好味，好送飯，而且d飯本身亦都有茄汁味，成個菜式食唔停口。牛油炸雞翼牛油十分之香，雞翼炸得好脆，熱辣辣上枱，真係想有多幾隻食。