丼瀛 (Moved) New Location

又係食日本嘢嘅時候喇！呢間餐廳距離地鐵站5分鐘嘅路程，好就腳！入到去餐廳佈置得好日式，都有唔少位置，好適合聖誕佳節一家大細或者情侶黎。整體來講食物嘅價錢唔係太貴，比一般嘅日本餐廳稍為便宜一點。食物種類比較多，除咗一般嘅魚生飯同壽司，佢都有其他熟食，例如串燒同埋熱食。今次點了香桃三文魚米紙卷，清酒煮大蜆，金菇肥牛卷，一口豚肉，甜蝦角切魚生丼，野菜天婦羅同埋脆皮流心粟米餅。香桃三文魚米紙卷有成六舊咁多！三文魚非常肥美，份量又多，配上沙律菜同埋香桃，簡直係味覺嘅享受，非常有口感！清酒煮大蜆湯底頗為甘甜，淡淡清酒味。最少有八隻大蜆，每一隻都比匙羹大。佢個配菜有薯粉，娃娃菜同埋海帶，超級滿足！金菇肥牛卷本身會覺得好普通，但係師傅燒到好香，配上佢哋特製嘅醬汁，非常惹味 ！甜蝦角切魚生丼甜蝦有一隻，而其他魚生粒份量就比較多！雖然係角切，但係唔會太細粒，保留到佢嘅口感！野菜天婦羅 & 脆皮流心粟米餅不得不提嘅係呢間餐廳做嘅炸物非常出色。野菜天婦羅包括炸秋葵，炸紫薯，炸香菇同埋炸南瓜。佢每一款都係做到外脆內軟，同埋啲蔬菜都好鮮甜！而粟米餅同樣做到外脆內軟，佢啲粉唔會太多，配埋美乃滋，超正嘅口感！