銀座梅林 (Closed)

餓到傻三人組，在出席完好友婚禮後，在等待影相既同時，已用手機上網找食，及後，隨即飛的到K11找食！ 可能過左食Lunch時間，或K11根本無咩人流，去到即刻入座，亦急不及待既Order一人一個定食。 呢度既定食，主食配珍珠米飯一碗、白麵豉湯、一大堆椰菜絲及前菜一碟。椰菜絲可配西柚或Wasabi味既Salad dressing。呢度既Salad dressing都係用醬油調配，所以偏重咸味，少清爽酸味，與朗豪坊既近又相比，呢度既salad dressing比較遜色。 吉列大蝦定食：有蝦味，但蝦唔夠爽。蝦身比例奇怪，蝦長身但唔粗身，唔撲吉列炸粉的話，可想而知隻蝦幾幼身無肉。 吉列金星豬柳定食：此為店員推介既季節限定品種，金星豚。肉質比豬扒鬆軟，亦較甘香。 吉列黑豚豬扒定食：與金星豚比，黑豚確係差一線。雖有肉香但肉質較實。總括而言：食吉列野，除左主食既品質，吉列炸粉亦好重要，而呢度既吉列炸粉唔夠企身。而配椰菜絲既salad dressing亦未見出色。 唯定食中既珍珠米飯，非常不錯，既有飯香甜，真係好品質既珍珠米，粒粒企身，濕度適中！認真唔錯！