豪隍點心工房

Open Now

Now Closed

觀塘名店豪隍點心工房原來喺同區開咗地舖，之前樓上嗰間長期客滿，而家開咗分店，唔知可唔可以分流到食客呢？記憶中佢哋個燒賣皇大大粒蝦仁好高質，今次我哋就試埋個蝦餃皇，不過就有啲失望，皮實在太厚太厚啦，即使入面嘅餡料又多又好食，分數都拉唔返高。同樣情況出現喺蜜汁叉燒腸，腸粉皮又係過厚，唔夠軟滑。其餘蒸物山竹牛肉球同流沙奶皇包等就正常水準。反而炸物有驚喜，全部都新鮮熱辣脆卜卜，鮮蝦炸雲吞唔蘸甜酸醬改為伴以雜果沙律，好似食緊沙律明蝦角咁，好豐富；鵝肝醬鹹水角雖然肝醬味唔算突出，但皮脆內軟糯，整體味道唔錯；鮮蝦腐皮卷外皮超脆，餡料蝦仁夠大粒，又係高質。